Поделиться ссылкой:
Ба ифтихори 30-юмин солгарди Конститутсияи Ҷумҳурии Тоҷикистон ва эълон гардидани соли 2024 “Соли маърифати ҳуқуқӣ” миёни дастаҳои “Хирад” ва “Донишвар”-и факултетҳои Коллеҷ санаи 05.11.2024 дар толори конференсионии муассиса аз фанни асосҳои ҳуқуқ маҳфили ҳозирҷавобон ташкил ва баргузор карда шуд. Дар маҳфили мазкур аъзои дастаи “Хирад”-и факултети иқтисодиёти саноати кӯҳӣ ва “Донишвар”-и факултети геология фаъолона ширкат варзида қобилият ва маҳорати ҳозирҷавобии худро аз рӯи саволҳои пешниҳодгардида бо асоснокунии донишҳои ҳуқуқӣ нишон доданд.
Дар рафти баргузории маҳфил ба суолҳои пешкашгардида ҳарду даста кӯшиш менамуданд, ки дар асосноккунии ҷавобҳо аз ҳамдигар бартарӣ нишон диҳанд.
Боиси қайд аст, ки баргузории маҳфили ҳозирҷавобон тибқи тартиб дар Колле доим амалкунанда буда, дар ҷамъбасти ҳар даври академӣ аъзои ҳакамон натиҷаи холҳои умумии бадастовардаи дастаҳоро натиҷагирӣ намуда, аз рӯи холҳои даставӣ беҳтаринҳо муайян ва қадрдонӣ хоҳанд шуд.
