Поделиться ссылкой:
РОҲПАЙМОИИ ИДОНА БАХШИДА БА ИСТИҚБОЛИ НАВРӮЗ
Дар арафаи иди байналмилалии Наврӯз донишҷӯёни Муассисаи давлатии Коллеҷи кӯҳии ба номи С. Юсупова дар роҳпаймоии идона бо барномаи рангини рақсу таронаҳои миллӣ фаъолона иштирок менамоянд.
Ин чорабинӣ бо мақсади иҷрои супоришҳое, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон аз 16 декабри соли 2025 «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» зикр гардидаанд, ҳамчунин тибқи Амри Президенти Ҷумҳурии Тоҷикистон аз 8 январи соли 2026, № А11-960, ба роҳ монда шудааст.
Донишҷӯён зиёда аз як моҳ дар омодагӣ ва баргузории чорабинӣ иштирок намуда, талош доранд, ки ин ҷашни миллӣ дар сатҳи баланд таҷлил гардад. Роҳпаймоии идона ҳамчун қисми чорабинии бузурги фарҳангӣ ба ҳисоб рафта, интизор меравад, ки он дар сатҳи байналмилалӣ баргузор гардад.
Иштироки фаъолонаи ҷавонон нишонаи эҳтиром ба суннатҳои миллӣ, худшиносии фарҳангӣ ва саҳми арзандаи насли ҷавон дар тарғиби арзишҳои умумибашарии Наврӯз мебошад.
