Архив Декабрь 2022

НАТИҶАГИРӢ АЗ ФАЪОЛИЯТИ СОЛИ 2022 ВА ВАЗИФАГУЗОРИҲО БАРОИ СОЛИ 2023 ДАР ҶАЛАСАИ ВАСЕИ ШӮРОИ ОЛИМОНИ КОЛЛЕҶ

  • 31.12.2022

 

Санаи 30.12.2022 дар толори маҷлисгоҳи коллеҷи кӯҳии ба номи С. Юсупова ҷаласаи васеи Шӯрои олимони коллеҷ доир гардид, ки дар ҷаласаи мазкур ҳисоботии солона дар бораи фаъолияти коллеҷ дар соли 2022 ва вазифагузориҳо барои соли 2023 мавриди баррасии амиқ қарор дода шуд. Дар ҷаласа намояндаи Вазорати маориф ва илми Ҷумҳурии Тоҷикистон муҳтарам Сафарзода Салоҳиддин, ва кормандону омӯзгорони коллеҷ иштирок намуданд.Директори коллеҷ муҳтарам Суфиев Алишер Ҷаъмаевич ҷаласаро ифтитоҳ бахшида, доир ба кору фаъолияти аҳли заҳмати муассиса таълимӣ дар соли 2022 ба ҳозирин маълумоти муфассал ироа намуд.
Зимни ироаи ҳисоботи худ роҳбари муассиса қайд намуд, ки дар воқеъ соли 2022 барои аҳли заҳмати муассиса таълимӣ соли бобарору хотирмон буда, дар ин сол дар ҳама самтҳои фаъолият муваффвқияту музафариятҳо назаррас буд. Дар ин барробар зикр гардид, ки бо вуҷуди мувафақиятҳо дар фаъолияти муассиса дар соли ҳисоботӣ базан мушкилоту норасҳоиҳо низ ҷой доранд, ки дар якҷоягӣ бо ҳайати устодону кормандони коллеҷ бо заҳмату талошҳои содиқона баҳри таълиму тарбияи насли наврас ва дар руҳияи худшиносию ватанпарастӣ тарбия намудани онҳо ҷидду ҷаҳд намуда дар соли 2023 зери сиёсати маорифпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳисаи арзандаи худро дар баланд бардоштани сифати таҳсилот, гузошта дар ин замина дар омодасозии кадрҳои ниёзи талаботи бозори меҳнат нақши босазо хоҳем гузошт.
Инчунин гуфта шуд, ки дар давраи ҳисоботӣ кормандону омузгорони коллеҷ баҳри малӣ намудани сиёсати далату ҳукумат дар соҳаи маориф якдилона кӯшиш ба харҷ дода, дар ин давра аз таваҷҷуҳ ва ғамхориҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, дар муассиса шароити таълиму тарбия баҳри насли наврас хубтару беҳтар гардида муҷаҳазгардонии синфхонаҳо бо аёният ва таҷҳизоти муосири таълим барои хонандагону донишҷӯён фароҳам оварда шуд.
Дар идома зимни ироаи ҳисобот иброз гардид, ки дар Паёми худ ба Маҷлиси Олии Ҷумҳурии Тоҷикистон Пешвои муаззами миллат дар баробари масъалаҳои пешрафти иқтисодию иҷтимоии кишвар ба тарбияи насли наврасу ҷавонон диққати махсус дода, масъалаи таълиму тарбияи наврасону ҷавонон ва дар рўҳияи ватандўстиву инсонпарварӣ, худогоҳиву худшиносӣ тарбия намудани онҳоро таъкид намуданд, ки вобаста ба ин самт, аз ҷумла, ҷиҳати бедор намудани ҳисси худшиносии миллӣ, ватандўстӣ, ифтихори ватандорӣ ва дар рўҳияи инсонпарварӣ тарбия намудани ҷавонони коллеҷ моро зарур аст, ки бозҳам беҳтару хубтар кӯшиш ба харҷ диҳем.
Бо дарназардошти талабот ва зарурати мукаммалсозии фаъолияти воҳидҳои сохтории коллеҷ Шӯрои олимони муассиса қарорҳои дахлдор қабул намуда, вазифаҳо барои соли 2023 муайяну мушаххас гардиданд.
Дар қисмати хотимавӣ аз ҷониби роҳбарияти коллеҷ як қатор кормандону омӯзгорон бо сипоснома ва хонандагону донишҷӯён, ки дар озмунҳои фаннии дохили коллеҷӣ ва озмуни луғатдони беҳтарин ба гирифтани ҷойҳои ифтихорӣ муясар гардиданд, бо ифтихорномаҳо сарфароз карда шуданд.

ҲАМОИШ ОИД БА ОМӮЗИШ ВА БАНАҚШАГИРИИ ИҶРОИ ДАСТУРУ СУПОРИШҲО АЗ ПАЁМИ ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН «ДАР БОРАИ САМТҲОИ АСОСИИ СИЁСАТИ ДОХИЛӢ ВА ХОРИҶИИ ҶУМҲУРӢ»

  • 29.12.2022

Санаи 28.12.2022 дар толори маҷлисгоҳи коллеҷ бо иштироки васеи кормандону омӯзгорон ва хонандагону донишҷӯён ҳамоиш оид ба омӯзиш ва банақшагирии иҷрои дастуру супоришҳо аз Паёми Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» доир гардид.
Зимни ифтитоҳи ҳамоиш ҳамчун рамзи арҷгузорӣ ба муқаддасот ва арзишҳои миллӣ аз ҷониӣби иштирокдорон Суруди миллӣ садодоад шуд.
Сипас роҳбари муасиса бо маърузаи пурмуҳтаво, ки саросар аз Паёми навбатии Пешвои муаззами миллат манша мегирифт, баромад намуда иброз дошт, ки Паём воситаи муҳими муайянкунанда ва ба танзимдарорандаи дурнамои рушди устувору бомароми сиёсӣ ва иқтисодии мамлакат ба ҳисоб меравад.
Зимни ироаи маъруза қайд карда шуд, ки Пешвои муаззами миллат, дастоварду натиҷаҳои фаъолияти мамлакатро оид ба соҳаҳои мухталифи ҷомеа таҳлилу баррасӣ намуда, барои самаранокӣ ва беҳбудии шароитҳои иҷтимоиву иқтисодӣ ва сиёсии давлат ба ниҳодҳои марбута дастуру супоришҳои мушаххас дода шуд.
Тавре зикр гардид дар Паёми навбатии Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» баён гардид, “Соли 2022 барои Тоҷикистони мо, дар маҷмӯъ, соли бобарор буд. Ба шарофати заҳмати содиқонаи мардуми кишвар раванди созандагиву ободкорӣ бомаром идома ёфта, нақшаву барномаҳои пешбинигардида ҷиҳати таъмин намудани рушди устувори иқтисоди миллӣ ва баланд бардоштани сатҳу сифати зиндагии сокинони мамлакат ҳадафмандона амалӣ карда шуданд. Чунонки ба ҳама маълум аст, солҳои охир вазъи сиёсиву иқтисодии ҷаҳон хеле мураккаб гардида, ҳоло инсоният дар давраи ниҳоят ҳассос ва душвортарини таърихи қариб сад соли охири худ қарор дорад”.
Дар идома гуфта шуд, ки дар Паёми навбатӣ таваҷҷуҳи хосаи Роҳбари давлат ба амалигардии ҳадафҳои стратегӣ равона гардида, ба Ҳукумати мамлакат супориш дода шуд, ки ба масъалаи истихроҷу коркарди металлҳои ранга аз конҳои муайяншуда, аз ҷумла сурма, литий, волфрам, никел ва дигар металлҳо аҳаммияти хосса дода, барномаи азхудкунӣ ва дар дохили мамлакат то маҳсулоти ниҳоӣ коркард намудани онҳоро таҳия ва амалӣ созад. Бо дарназардошти имкониятҳои зикршуда, пурра ба роҳ мондани истихроҷ ва коркарди онҳо, аз ҷумла сангҳои ороишӣ метавонад яке аз манбаъҳои афзоиши ҳаҷми истеҳсоли маҳсулоти саноатӣ, таъсиси ҷойҳои кории нав, зиёд намудани содироти маҳсулот ва дар маҷмӯъ, таъминкунандаи рушди иқтисоди кишвар гардад.
Аз ин лиҳоз аз ҷониби директои муассиса таъкид шуд, ки нуқтаҳои зикршуда мо кормандони муассисаи давлатии таълимии Коллеҷи кӯҳии ба номи С. Юсуповаро уҳдадор менамояд, ки вусъат бахшидани тадбирҳо ҷиҳати шиносоии донишҷӯёни ихтисосҳои самти кӯҳкориро то маҳсулоти ниҳоӣ коркард намудани металлҳои ранга ва қиматбаҳо ва ба роҳ мондани ҳамкорӣ бо корхонаҳои металлургӣ, маъдантозакунӣ ва истихроҷ дар сатҳи лозимӣ ба роҳ монда, масъулин вазифадор карда мешаванд, ки дар ин самт тадбирҳои амалиро роҳандозӣ намоянд.
Ин чунин ташкил ва гузаронидани семинари омӯзишӣ бо кормандону донишҷӯён оид ба захираҳои бойи маъданиву ғайримаъданӣ, аз қабили металлҳои сиёҳ, ранга, қиматбаҳо, нодир, сангҳои худҷило, ороишӣ ва ангишт дар муассиса ба нақша гирифта шуда, ҷиҳати доир намудани он чораҳои мушаххасро рӯи кор гиранд.
Амалисозии сиёсати давлат дар соҳаи саноат дар заминаи таҳия ва тасдиқ намудани номгӯи корҳои курсӣ, рисолаҳои хатм, ва нашри мақолаҳои илмӣ вобаста ба самтҳои афзалиятноки мамлакат зарур аст, ки таҳия ва ба табъ расонида шавад. Дар ин самт мудирони кафедраҳо ва бахши илм, иноватсия ва робитаҳои хориҷӣ бояд ҳарчи зудтар корҳоро ҷоннок намуда, ба маъмурият маълумот манзур созанд.
Вобаста ба дастуру супоришои мазкур маъмурияти муассиса ва воҳидҳои сохтории онро зарур аст, ки ба таври густурда тарғибу ташвиқи ихтисосҳои амалкунандаи коллеҷро бароҳ монда ҷиҳати пайвасти илм бо истеҳсолот ва дар ин замина дар омодасозии мутахассисон рақобатпазир дар бозори меҳнат тадбирҳои лозимиро андешанд.
Гуфта шуд, ки ҷанбаи дигаре, ки дар меҳвари Паёми навбатии Асосгузори сулҳу ваҳдати миллӣ, Пешвои Миллат Муҳтарам Эмомалӣ Раҳмон қарор дошт, маориф ва мактаб ба ҳисоб мерафт. Тавре, Роҳбари давлат дар Паёмашон зикр намуданд, “Мо мактабро ба ҳайси боргоҳи илму дониш, саводу маърифат ва омӯзгорро чун шахси мафкурасозу тарбиятгари насли наврас эътироф карда, ба онҳо арҷу эҳтиром гузоштанро аз ҷумлаи масъалаҳои муҳимтарин медонем. Зеро агар мактаб ва омӯзгор набошад, сатҳи маърифатнокии мардум паст мегардад, миллат бесавод мемонад, ҷомеа ба ҷаҳолат гирифтор мешавад ва дар натиҷа оромиву сулҳу субот, амнияту осоиш ва муҳимтар аз ҳама, рушди давлат сахт халалдор мегардад”.
Дар қисмати хотимавии ҳамоиши мазкур масъулин вобаста ба иҷрои дастур супоришҳои Пешвои муаззами миллат омодагии худро иброз дошта, таъкид гардид, ки минбаъд низ дар атрофи сиёсати хирадмандона роҳбари давллат муттаҳид шуда баҳри бозҳам ободу зебо ва шукуфоии ватани азизу маҳбубамон саъю талош хоҳем варзид.

Суратгузориш аз ҷараёни тамошои дастаҷамъонаи Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз ҷониби кормандону омӯзгорон ва хонандагону донишҷӯёни коллеҷ.

  • 24.12.2022

 

МУҲИМИЯТИ РУШДИ СОҲАИ ГЕОЛОГИЯ ДАР ШАРОИТИ САНОАТИКУНОНӢ.

  • 17.12.2022

Санаи 08.12.2022 дар коллеҷ конференсияи ҷумҳуриявии илми-назариявӣ бахшида ба иди касбии «Рўзи геологҳо» таҳти унвони “Муҳимияти ҷорӣ намудани усулҳои муосири низоми ҷустуҷӯ, иктишоф, истихроҷи захираҳои конҳои канданиҳои фоиданок ва баҳисобгирии масъалаҳои экологӣ-иқтисодии он баҳри рушди дурнамои саноати миллии кишвар” доир гардид
Дар конференсияи мазкур иштирок доштанд: Оймуҳаммадзода Илҳомҷон Султон – Сардори Саридораи геологияи назди Ҳукумати Ҷумҳурии Тоҷикистон; Самиҳов Шонаврӯз Раҳимович – мудири кафедраи технологияи истеҳсолоти химиявии ДМТ доктори илмҳои техникӣ, профессор; Абдуллоев Абдухалил – сардори раёсати кор бо кадрҳои дастгоҳи марказии Вазорати саноат ва технологияҳои нави Ҷумҳурии Тоҷикистон; Муродов Давлатхуҷа Ҳукуматшоевич -ходими калони илмии лабораторияи тадқиқотӣ комплексии сейсмологӣ ва геофизикии Институти геология, сохтмони ба заминҷунбӣ тобовар ва сейсмологияи АМИТ; Ҳоҷиев Амриддин Кучакович – сармутахассиси шуъбаи геологияи Саридораи геологияи назди Ҳукумати Ҷумҳурии Тоҷикистон; Шониёзов Тошпулод Муродович сармутахассиси шуъбаи геологияи Саридораи геологияи назди Ҳукумати Ҷумҳурии Тоҷикистон ва меҳмонон аз дигар корхонаву ташкилотҳои марбута.
Зимни сухани ифтитоҳӣ роҳбари муассиса Суфиев Алишер Ҷаъмаевич ҳозиринро ба муносибати “Иди касбии геологҳо”, ки ҳамасола дар миқёси ҷумҳурӣ санаи 09-уми декабр таҷлил мегардад, табрик ва муборакбод намуда, ба кори конференсия барору муваффақият орзу намуд. Сипас тибқи барномаи пешбинишуда конеренсия ба кори худ шуруъ намуда, баромадкунандагон бо маърузаҳои пурмуҳтаво ба чорабинӣ фазои илмӣ бахшиданд.
Зимни ироаи маърузаҳо таъкид карда шуд, ки бо мақсади дастгири намудани хизматҳои шоёни кормандони соҳаи геология бо ибтикори Асосгузори сулҳу ваҳдати милли Пешвои миллат Президенти Ҷумҳурии Тоҷикистон муҳтарам Эмомалӣ Раҳмон 9-уми декабрро ҳамчун рӯзи касбии геологҳо эълон намуданд, ки дар корхонаю муассисаҳои соҳаи геология он бо як шукуҳу шаҳомати хосса қайд карда мешавад. Соҳаи геология яке аз шохаҳои асосии иқтисодиёти давлат буда, аз сохторҳои идоравӣ, ташкилотҳои истеҳсолӣ ва илмии давлатию ғайридавлатӣ, ки талаботи давлат ва ҷамъиятро дар самти омӯзиши геологӣ, афзунгардонии заминаи ашёи минералӣ ва ҳифзи қаъри замин таъмин менамояд, иборат мебошад. Вобаста ба шароит ва имкониятҳо истиқлолияти давлатӣ барои соҳаи геология имкониятҳои зиёдро фароҳам овардааст, ки гузаришро ба роҳи инноватсионии рушди соҳаи геология воситаҳои ба даст овардани ахбороти геологӣ, коркарди он, тафсиру пешниҳод ва истифодабариро бо технологияҳои нав бароҳ монда истодааст, ки талаби замон ба ҳисоб рафта ояндабинии конҳо ва захираҳо аз технологияҳои инноватсиони вобстагии калон дорад.
Ба ҳамагон маълум аст, ки зимни сафарҳои кории Асосгузори сулҳу ваҳдатӣ миллӣ – Пешвои миллат, муҳтарам Эмомалӣ Раҳмон бо гузоштани санги асос ё бардоштани парда аз лавҳаи корхонаҳои истеҳсолӣ, коркарди маъданҳои кӯҳӣ, коркарди сангҳои ороишӣ ба истифода дода мешавад, ки инро тамоми кормандони соҳаи геология эҳсос кардаанд.
Инчунин зикр гардид, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ дар бораи самтҳои асосии сиёсати дохилӣ ва хориҷии Ҷумҳурии Тоҷикистон омадааст: “Азнавсозии сохтории саноат бояд дар заминаи пайвастани илм ва истеҳсолот, истифодаи технологияҳои каммасрафи барқӣ, ташкили истеҳсолоти ба содирот нигаронидашуда ва воридот ивазкунанда равона гардида, барои амалӣ гардонидани он истифодаи ҳарчи пурраи захираҳои бойи ашёи хоми маҳаллӣ ба роҳ монда шавад”.
Дар баробари рушди дигар соҳаҳо пешрафти соҳаи саноат яке аз самтҳои афзалиятноки Ҳукумати мамлакат муайян гардида, солҳои 2022 — 2026 «Солҳои рушди саноат» эълон гардид. Воқеан, рушди босуръати саноати миллӣ боис ба таъсиси ҷойҳои нави кор, ғанигардонии буҷети давлат, коҳиши маҳсулоти аз хориҷа воридшаванда, афзоиши иқтидори содиротӣ ва дар умум рақобатпазир гардидани иқтисодиёти миллӣ дар арсаи байналмилалӣ мегардад.
Дар идома қайд гардид, ки бо дарназардошти афзалиятҳои соҳа моро зарур аст, ки дар омодасозии кадрҳои баландихтисоси соҳаи мазкур дар зинаҳои таҳсилоти ибтидоӣ, миёна ва оллии касбӣ аз ҳарвақта дида бештар кӯшиш ба харҷ дода, бо истифода аз тамоми имконоти мавҷуда шароити мусоиди пайвасти илм бо истеҳсолотро фароҳам сзем.
Дар охир бо мақсади қадрдонӣ ба иштирокдорони фаъоли чорабинӣ сипосномаи маъмурияти муассисаи таълимӣ таъқдим карда шуд.

ДАРСИ КУШОД – СОМОНАСОЗӢ ТАВАССУТИ БАРНОМАИ HTML

  • 17.12.2022

Санаи 09.12.2022 тибқи нақшаи чорабиниҳои илмии бахши илм, инноватсия ва робитаҳои хориҷӣ дар доира баргузории ҳафтаи фаннии кафедраи фанҳои табиӣ-риёзӣ дарси кушод аз ҷониби омӯзгори кафедра Нуралиев С. бо иштирокӣ донишҷӯён ва омӯзгорон дар мавзӯи “Сомонасози тавассути барномаи HTML” баргузор гардид. Дар чорабинии мазкур ҷонишини директор оид ба илм, инноватсия ва робитаҳои хориҷӣ, декани факултети геология, мудриони кафедраҳо, кормандони бахши идоракунии сифати таҳсилот ва омӯзгорону донишҷӯён иштирок доштанд. Дар оғоз омӯзгори кафедра Нуралиев С. оид ба барномаи HTML маълумоти муфассалро ба ҳозирин пешниҳод намуд. Баъдан вобаста ба мавзуи мазкур аз ҷониби як қатор донишҷӯён (Солеҳзода Ш., Хурсандова Р., Баротова Ш.) маърузаҳо ироа гардид. Дар баромади баромадкунандагон қайд гардид, ки фаъолиятро дар замони имрӯза бе технологияи муосир тасаввур кардан ғайримкон аст… Баъд аз ироаи маърӯзаҳо миёни аъзоёни маҳфил ва иштирокдорон саволу ҷавобҳо гузаронида шуд. Инчунин иштирокдорон вобаста ба чорабинии мазкур фикру ақидаҳои худро иброз намуданд.

АВВАЛИН АКАДЕМИК ЗАНИ ТОҶИК ДАР СОҲАИ ГЕОЛОГИЯ

  • 17.12.2022

Сороҷон Юсуфова (Юсуфова Сороҷон Михайловна;
5 май 1910, Бухоро, генерал-губернатории Туркистон — 15 май 1966, Душанбе) — заминшинос, доктори илмҳои геология ва минералогия (1948), профессор (1950). Академики Академияи илмҳои ҶШС Тоҷикистон (1951). Арбоби шоистаи илми ҶШС Тоҷикистон (1960).
Зиндагинома
Сороҷон Юсуфова соли 1935 факултаи табиатшиносии Университети давлатии Самарқандро ба итмом расонда, дар Институти геологияи филиали узбекистонии АИ УССР ба сифати ходими илмӣ, ходими калони илмӣ кор кардааст, солҳои 1946—1948 мудирии бахши геологияи нафту гази шуъбаи геологияи Филиали тоҷикистонии АИ СССР ба зимма доштааст. Мудири озмоишгоҳи усулҳои таҳлили физикаву химиявии Институти геологияи Академияи илмҳои ҶШС Тоҷикистон (1957—1959). Аз соли 1949 то охири умр мудири кафедраи минералогия ва нетрографияи ДДТ ба номи В. И. Ленин буд. Аввалин зан-академик дар Тоҷикистон мебошад, ки тамоми ҷидду ҷаҳдаш ба пешбурди илми геологияи тоҷик равона шудааст. Хидматаш дар таҳқиқи таҳнишастҳои мезозоӣ ва кайнозойи депрессияи Тоҷикистон, хусусиятҳои минералогии лёсс, гил ва таркиби химиявии онҳо, геохимияи элементҳои ҷудогонаи химиявӣ калон аст. Аввалин китоби дарсӣ дар соҳаи геологияро ба забони тоҷикӣ соли 1963 нашр кардааст. Осорашро ба тоҷикӣ, узбекӣ ва русӣ якзайл навиштааст. Дар тарбияи мутахассисони геология саҳми арзанда гузоштааст.
Осор
Минералогические особенности лёссов Средней Азии. — М., 1956;
Хусусиятҳои минералогии лёссҳои водии Вахш. — Сталинобод, 1958;
Геология бо элементҳои минералогия ва петрография. Китоби дарсӣ барои донишҷӯён. — Д., 1963.
Ҷоизаҳо
Бо ду ордени «Нишони Фахрӣ» мукофотонида шудааст.
ҲЕҶ КАС ВА ҲЕҶ ЧИЗ ФАРОМӮШ НАМЕШАВАД!