Архив Март 2023

БОЗДИДИ ДОНИШҶӮЁН АЗ ОСОРХОНАИ МИНЕРАЛОГИИ ИНСТИТУТИ ГЕОЛОГИЯ, СОХТМОНИ БА ЗАМИНҶУНБӢ ТОБОВАР ВА СЕЙСМОЛОГИЯИ АМИТ

  • 20.03.2023

Санаи 18.03.2023 дар доираи иҷрои нақша чорабиниҳои кафедраи геологияи нафту газ ва иктишофи конҳои канданиҳои  фоиданок донишҷӯёни курси 3-юми ихтисоси 2-510101-геология ва иктишофи конҳои канданиҳои фоиданоки шуъбаи рӯзона ба осорхонаи минерологии Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон бо ҳамроҳии мудири кафедра Раҳимов А.Р. ва омӯзгори кафедра Ҷобиров А.А. сафарбар гардиданд, ки дар осорхонаи мазкур донишҷӯён бо минералҳо ва дигар намудҳои канданиҳои фоиданоки ҷумҳуриамон ошнои пайдо намуданд.

𝐓𝐀𝐇𝐓𝐀𝐇𝐀Ҳ𝐎И Ҷ𝐀Ш𝐇И 𝐇𝐀𝐁𝐏Ӯ𝟑И Б𝐀Й𝐇𝐀Л𝐌ИЛ𝐀ЛӢ Д𝐀𝐏 𝐊𝐎ЛЛ𝐄ҶИ 𝐊ӮҲИИ Б𝐀 𝐇𝐎𝐌И 𝐂.Ю𝐂УП𝐎𝐁𝐀

  • 20.03.2023

      Имрӯз (17.03.2023) аҳли кормандону омӯзгорон ва хонандагону донишҷӯёни Коллеҷи кӯҳии ба номи С.Юсупова Наврӯзи байналмилалиро бо оростани дастархонҳои идона, намоиши анъанаҳои миллӣ ва баргузории чорабинии фарҳангию фароғатӣ ҷашн гирифтанд.
      Қаблан директори муассиса Суфиев Алишер Ҷаъмаевич зимни сухани ифтитоҳӣ ҳозиринро ба муносибати фарорасии баҳори гулафшон ва Наврӯзи байналмилалӣ самимона муборакбод намуданд.
Инчунин, таъкид гардид, ки воқеан, Наврӯз инъикоскунандаи анъанаҳои миллӣ, эҳёи табиат ва мероси ниёгонамон буда, бо омаданаш ба кас накҳату тароват ва илҳоми тоза зам менамояд. Ҳамин аст, ки ин ҷашни бузург бо шарофати озодиву соҳибистиқлолии Ватани маҳбубамон на танҳо мақоми расмиро соҳиб гардид, балки бо заҳмату талошҳои фарзанди фарзонаи миллат, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳайси ҷашни эҳёи табиату зебоӣ мақоми байналмилалиро касб кард ва ҳамчун омили ҳамгироӣ дар замони ҷаҳонишавӣ қабул гардид, ки имрӯз дар саросари олам таҷлил карда мешавад.
    Сипас директори коллеҷ ҳамроҳ бо намояндагони сохторҳои гуногуни коллеҷ аз хони оростаи сохторҳои муассиса боздид намуда, ба омодагии кормандону омӯзгорон, донишҷӯёну хонандагон ва ба оростани хонҳои наврӯзии онҳо баҳои баланд доданд.
     Дар идома бо барномаи фарҳангию фароғатии омоданамудаи донишҷӯёну хонандагони муассиса ва ҳунарманди шинохтаи ҷумҳурӣ Ҷанатулло Абдуллоев чорабини рангину хотирмон гардид.

𝐂𝐀Ҳ𝐌ГИ𝐏Ӣ Д𝐀𝐏 𝐓𝐎𝟑𝐀ГӢ 𝐁𝐀 𝐗У𝐏𝐏𝐀𝐌Г𝐀𝐏Д𝐎𝐇ИИ П𝐎Й𝐓𝐀𝐗𝐓

  • 09.03.2023

Суратгузориш аз ҷараёни иштирок ва саҳмгирии кормандону донишҷӯёни коллеҷ зимни баргузории шанбегиҳо дар муассиса ва ҳудуди н. Фирдавсии ш. Душанбе

Б𝐎𝐇У𝐁𝐎𝐇 𝐌𝐀Ъ𝐁𝐎И 𝐌𝐀Ъ𝐏ИФ𝐀𝐓И 𝐌𝐎❗

  • 09.03.2023

      Таҳти чунин унвон санаи 07.03.2023 дар муассисаи давлатии таълимии коллеҷи кӯҳии ба номи С.Юсупова чорабинии фарҳангиву маърифатӣ баргузор гардид. Нахуст чорабиниро бо сухани табрикотӣ директори муассиса   Суфиев А.Ҷ. оғоз намуда, омӯзгорзанон ва дар шахсияти онҳо ҷумла занони кишвари азизамонро ба шарофати иди фархунда-Рӯзи Модар бо камоли меҳру муҳаббат ва самимияти афзун муборакбод намуда, барои ҳамагон саломатӣ, хотири ҷамъу дили беғам таманно намуданд.
           Директори муассиса қайд намуданд, ки ба оғози фасли баҳор рост омадани иди занон, рамзи шукуфоӣ ва мазҳари зебоӣ буда, озодагиву нафосат ва сарсабзию таровати ин фаслро дучанд меафзояд. Дар ин падида, рамзи амиқе ҳаст, ки он ба сиришти неку созанда ва ниҳоди поки модарон пайвандӣ касб кардааст, зеро Зан ва Баҳор дар арсаи зиндагӣ нақши созгор доранд.
          Мавсуф қайд намуданд, ки нақши созандаи бонувони кишвар аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба таври хосса таъкид мегардад. Зеро дар яке аз суханрониҳояшон роҳбарияти олии кишвар иброз доштанд: «Занону модарони бонангу номуси мо ҳанӯз дар даврони ниҳоят мушкили оғози истиқлолият обрӯ ва шарафи мамлакатро ҳифз намуданд, ба хотири ҳифзи ҳуқуқи худ мисли гурдофаридҳо ба қиём баромаданд, дар таҳкими давлат, сулҳу субот ва ваҳдати миллӣ саҳми бисёр арзишманд гузоштанд».
        Дар идомаи чорабинӣ барномаи рангини консертӣ иборат аз рақсу суруд ва шеърҳо дар васфи эҳтироми модар пешкаши ҳозирин карда шуд, ки басо мутаассир ва маърифатбахш буд.
        Дар фарҷом бахшида ба Рӯзи Модар аз ҷониби директори муассиса чанд нафар бонувони фаъол барои фаъолияти пурсамар дар вазъияти тантанавӣ бо Сипоснома сарфароз гардонида шуданд.

𝐌𝐀𝐏Ҳ𝐀Б𝐎 Б𝐀 𝐊𝐎ЛЛ𝐄ҶИ 𝐊ӮҲИИ Б𝐀 𝐇𝐎𝐌И 𝐂. Ю𝐂УП𝐎𝐁𝐀❗

  • 01.03.2023

      Дар доираи иҷрои нақшачорабиниҳои коллеҷи кӯҳии ба номи С. Юсупова санаи 28.02.2023 бо мақсади муаррифии ихтисосҳо, шиносоӣ бо шароити таҳсил ва вазъи фаъолияти озмоишгоҳҳо, синфхонаҳои компютерӣ, китобхонаи илмию электронӣ ва дастоварду комёбиҳои кормандону омӯзгорони коллеҷ рӯзи “Дарҳои кушода” ташкил карда шуд.
       Роҳандозии чунин тадбирҳо аз ҷониби роҳбарияти коллеҷ барои пиёда намудани сиёсати давлатӣ доир ба ҷалби ҷавонон ба касбҳои техникӣ ва технологӣ ва дар ин замина омӯзиши касбу ҳунар ба ҷавонони кишвар арзёбӣ мегардад.
        Дар ин рӯз хатмкунандагони як қатор муассисаҳои таҳсилоти миёнаи умумӣ аз рӯи зинаҳои таҳсилоти миёнаи асосӣ ва миёнаи умумӣ, хатмкунандагони муассисаҳои таҳсилоти ибтидоии касбии шаҳри Душанбе ба коллеҷ ташриф оварда, аз ҷониби масъулин бо онҳо сӯҳбату вохуриҳои судманд доир карда шуд.