Архив Ноябрь 2023

ПА𝐏ЧА𝐌 – 𝐏А𝐌𝟑И ИФ𝐓И𝐗𝐎𝐏У ИҚ𝐓ИД𝐎𝐏 𝐁А ҶИЛ𝐁АИ БА𝐗𝐓У 𝐂А𝐎ДА𝐓

  • 24.11.2023

    Санаи 23.11.2023 бо мақсади таҷлили сазовори рӯзи Парчами давлатии Ҷумҳурии Тоҷикистон ҳамоиши идона таҳти унвони “Парчам – рамзи ифтихору иқтидор ва ҷилваи бахту саодат” баргузор гардид.
       Дар расми ифтитоҳи ҳамоиши мазкур ҷонишини директор оид ба илм, инноватсия ва робитаҳои хориҷӣ ҳозиринро ба муносибати таҷлили солгарди қабули Парчами давлатӣ аз номи маъмурияти коллеҷ табрик ва муборакбод гуфта, меҳмононро ба ҳозирин муаррифӣ намуда, барои ташриф оварданашон изҳори минадорӣ баён намуданд.
         Дар ҳамоиши мазкур баромадкунандагон бо пешниҳоди беҳтарин маърузаҳо вобаста ба таърихи қабул ва дигар паҳлӯҳои Парчами давлатии Ҷумҳурии Тоҷикистон хотири иштирокдоронр болида сохтанд.
        Аз ҷумла зимни ироаи баромадҳо гуфта шуд, ки моҳи ноябри соли 1992 дар иҷлосияи таърихии 16-уми Шӯрои Олии Тоҷикистон, баробари андешидани тадбирҳои зарурӣ доир ба таъмини сарҷамъии мардум ва ҳифзи тамомияти арзиши кишвар, инчунин рамзҳои давлати соҳибистиқлоламон – Парчами давлатӣ қабул карда шуданд.
         Дар идома махсусан таъкид карда шуд, ки бо мақсади эҳтиром ва қадршиносӣ ба яке аз рамзҳои асосии давлат – Парчами давлатӣ, Президенти Ҷумҳурии Тоҷикистон муҳтарам Эмомалӣ Раҳмон бо истифода аз ҳуқуқи ташаббуси қонунгузории худ лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Қонун «Дар бораи рӯзҳои ид»-ро ба парлумон пешниҳод намуданд. Боиси қаноатмандист, ки бо қабули қонуни мазкур ҳар сол 24 ноябр ҳамчун “Рӯзи Парчами давлатии Ҷумҳурии Тоҷикистон” бо ифтихору сарбаландӣ аз давлату давлатдории миллати тамаддунсози худ ҷашн гирифта мешавад.
            Дар ин баробар қайд гардид, ки аввалин парчами қадимаи тоҷикон «Дирафши Ковиён» ном дошт, ки он ҳамчун рамзи ваҳдат ва ягонагии давлатдории ориёӣ қабул карда мешавад. Дирафши Ковиён то замони сукути давлати Сосониён дирафши миллӣ ва давлатии ниёгони тоҷикон буд.
Ҳамзамон зикр карда шуд, ки хушбахтона бо шарофати Истиқлолияти давлатӣ тоҷикон соҳиби Парчами миллӣ, яъне таҷассумгари гузаштаи шоён ва ояндаи дурахшони тоҷикон гардиданд. Парчами давлатии Точикистон дар баробари Конститутсия, Нишон, Суруди миллӣ ва асъори миллӣ аз ҷумлаи рамзҳо ва муқаддасоти давлат маҳсуб мешавад.
           Баъд аз ҷамъбасти маърузаҳо қисмати фарҳангии ҳамоиши мазкур идома ёфта, дар ин қисмат аз ҷониби донишҷӯён барномаи фарҳангии иборат аз шеъру суруд дар васфи Парчами давлатӣ ба ҳозирин пешкаш гардид. Дар қисмати хотимаивии ҳамоиш ба масъулин ва ғолибони озмунҳои сатҳи ноҳиявию шаҳрӣ ифтихорнома ва сипосномаҳои маъмурияти коллеҷ тақдим карда шуд.

А𝐏ҶГУ𝟑𝐎𝐏Ӣ БА 𝐗И𝟑𝐌А𝐓Ҳ𝐎И 𝐌𝐎𝐇ДАГ𝐎𝐏У Б𝐄𝐇А𝟑И𝐏И П𝐄Ш𝐁𝐎И 𝐌ИЛЛА𝐓

  • 18.11.2023

    Тоҷикистон дар симои Президенти маҳбуби кишвар муҳтарам Эмомалӣ Раҳмон нафареро мебинад, ки аз ҳама чиз гузашт намуда, ба хотири барқарор гардидани сулҳу ваҳдат, сарҷамъии миллат ва пароканда нашудани давлати тозабунёд ҷони худро дар хатар гузошта, ба майдони сиёсат омаданд ва бо хиради баланди инсондӯстона тавонистанд, ба ҷои бесарусомониҳо ҳаёти шоистаро ба мардум баргардонанд. Бинобар ин таҷлили Рӯзи Президенти Ҷумҳурии Тоҷикистон барои ҳар як сокини кишвар боиси ифтихор буда, он чун рамзи қадрдонӣ ба хизматҳои нотакрори таърихии Асосгузори сулҳу ваҳдати миллӣ – Пешвои муаззами миллат муҳтарам Эмомалӣ Раҳмон мебошад.
     Пешвои муаззами миллат муҳтарам Эмомалӣ Раҳмон дар таърихи давлатдории Тоҷикистон нафаре мебошанд, ки дар ташаккули таърихи давлатдорӣ, эҳёи падидаҳои неку писандида ва арзишҳои волои фарҳанги ниёгонамон хизматҳои бузург кардаанд. Ҳамин гуна кӯшишу талошҳои пайвастаи Пешвои миллат буданд, ки имрӯз мо соҳиби давлатему мавриди эътирофу эҳтироми ҷаҳониён қарор дорем.
       Дастгириву ғамхории Президенти кишвар муҳтарам Эмомалӣ Раҳмон аст, ки имрӯз баҳри насли наврасу ҷавон кулли имкониятҳои илмомӯзӣ фароҳам гардида, барои он ки ҷавонони имрӯза хондаву соҳибкасб ва мутахассиси варзида гарданд, мактабу литсей, коллеҷҳо ва донишгоҳу донишкадаҳои бо муҷаҳҳаз гардонии таҷҳизоти техникӣ ва бо талаботи замони муосир пурзурнамоии пойгоҳи моддӣ- техникӣ дар ҳамагуна равияҳо фаъолият намуда истодаанд.
      Ҷавонон аз дастгириҳои Роҳбари давлат рӯҳу илҳоми тоза гирифта, дар тамоми соҳаҳо ба кору фаъолияти назаррас машғуланду саҳми худро дар рушди кишвари азизамон Тоҷикистон гузошта истодаанд.
      Рӯзи Президенти Ҷумҳурии Тоҷикистонро мардуми шарафманди кишвар бо назардошти саҳми арзандаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ташаккули давлатдории навини кишвар, эҳёи давлати миллӣ, таъмини сулҳу ваҳдат ва баланд бардоштани нуфузу эътибори Тоҷикистон дар арсаи байналмилалӣ ҳамасола ҳамчун рамзи садоқату самимият ба Президент, ки сулҳу амонӣ ва Ваҳдати миллиро ба сокинони ин сарзамин оварда, зиндагии шоистаро барои хурду бузург муҳайё сохт, ҷашн мегиранд.
       Таҷлили Рӯзи Президенти Ҷумҳурии Тоҷикистон ҳадяи беҳтарин барои ҳар як хурду бузурги кишвар аст ва онро бояд ҳифзу гиромӣ дошт ва бо тантана ҷашн гирифта дар ин баробар ҳамчун ифтихороти миллӣ аҳамияти таърихии онро ба насли ҷавон омӯзему ба ин васила ба наслҳои баъдӣ интиқол диҳем.
      Рӯзи Президенти Ҷумҳурии Тоҷикистонро ба хонандагону донишҷӯён самимона табрик гуфта, ба кулли мардуми тоҷик ин рӯзи муқаддасро муборакбод мегӯям!
Директори коллеҷи кӯҳии ба номи С. Юсупова Суфиев А.Ҷ.

ИШ𝐓И𝐏𝐎𝐊И ДА𝐂𝐓ҶА𝐌Ъ𝐎𝐇АИ 𝐎𝐌Ӯ𝟑Г𝐎𝐏𝐎𝐇У Д𝐎𝐇ИШҶӮ𝐄̈𝐇И 𝐊𝐎ЛЛ𝐄Ҷ ДА𝐏 𝐏𝐎ҲПАЙ𝐌𝐎Ӣ БА𝐗ШИДА БА 𝐏Ӯ𝟑И П𝐏𝐄𝟑ИД𝐄𝐇𝐓И ҶУ𝐌ҲУ𝐏ИИ 𝐓𝐎ҶИ𝐊И𝐂𝐓𝐎Н

  • 18.11.2023

Э𝐌𝐎𝐌АЛӢ 𝐏АҲ𝐌𝐎𝐇 – П𝐄Ш𝐁𝐎 𝐁А ИФ𝐓И𝐗𝐎𝐏И 𝐌ИЛЛА𝐓И 𝐓𝐎ҶИ𝐊

  • 18.11.2023

   Асосгузори сулҳу ваҳдати миллӣ – Пешвои миллат, Президенти мамлакат, муҳтарам Эмомалӣ Раҳмон хидматҳои бузургу мондагори таърихиро анҷом додааст, ки ҳамагӣ ба манфиати мардум ва рушду шукуфоии кишвар нигаронида шудаанд. Таҳкими сулҳу субот, роҳандозии равандҳои демократӣ, риояи ҳуқуқу озодиҳои шахс, таъмини зиндагии саодатмандонаю шоиста аз ин қабил маҳсуб меёбанд. Маҳз бо шарофати сиёсати хирадмандонаи Пешвои миллат, Тоҷикистон дар арсаи байналмилалӣ нуфузу обруи баландро соҳиб гардид, ки таърих назирашро ёд надорад. Бақои миллат ва пешравии давлат аз роҳбари сулҳпарвар ва инсондӯст вобаста аст.
        Таърих гувоҳ аст, ки давраи ҷанги шаҳрвандӣ бисёр мураккаб буда, мақомдорони давалатӣ хоҳони роҳбари давлат шуданро надоштанд. Зеро аз ҷониби ҷинояткорон мавриди сӯиқасд қарор гирифта аз хавфи ҷони худ метарсиданд. Пешвои миллат, ки шахси фозилу шуҷоъ буд, ҷони худро баҳри ободи ва субботи кишвар дареғ надониста санаи 16-уми ноябри соли 1992, дар Иҷлосияи тақдирсозӣ 16-уми Шӯрои Олии мамлакат, ки дар шаҳри Хуҷанд баргузор гардида буд, роҳбарии давлатро ба дӯши худ гирифт. Аз ҳамон лаҳза аллакай дар симои ин фарзанди фарзонаи тоҷик хомуш намудани ҷанги шаҳрвандӣ бо роҳи сулҳ мушоҳида мегардид. Пайваста томоми кушишҳову заҳматҳояш танҳо ба хотири таъмини сулҳи миллати тоҷик буд. Ҷанги бародаркушу хонумонсӯз домони халқи тоҷикро фаро гирифта буд. Мардум ба якдигар бовар надоштанд фикр мекарданд, ки ин ё он лаҳза ҷонашонро аз даст медиҳанд.
       Миллати тоҷик дар симои ин абармард сулҳ ва рушди минбаъдаи мамлакатро дида, бинобар ҳамин сабаб санаи 6-уми ноябри соли 1994, бо якдилӣ тариқи райъпурсии умумихалқӣ ба Эмомалӣ Раҳмон овоз дода, ин абармардро Президенти мамлакат интихоб намуданд. Аз лаҳзаи ба сари ҳокимият омаданаш ба мардум қавл дод, ки ман ба шумо сулҳ меорам. Ҳамин тавр ҳам шуд, қавли мардонагии худро иҷро намуда, тамоми гӯрезаҳои тоҷикро ба ватан баргардонид ва ба хонадони миллати тоҷик сулҳро овард. Пешвои миллат, муҳтарам Эмомалӣ Раҳмон бо тадбирҳои хирадмандона ва аз худгузаштанҳо борҳо бо мухолифини сиёсии кишвар дар ваъзиятҳои бениҳоят мураккаби сиёсиву ҳарбӣ мулоқот намуда, аз онҳо даъват ба амал оварданд, ки даст ба дасти ҳам диҳему сарзамини аҷдодии хешро ободу зебо намоем ва ба ин ҳадафи неку инсондӯстонаашон расиданд.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Рахмон марди олиму оқилу фозилу хирадмандест, ки давлатро аз фаноёбӣ наҷот дода, мардумро атрофаш мутаҳҳид ва ба қалби мардумаш шӯълаи умедро бедор ва бо қадамҳои қатъӣ ба сулҳу осоиш, рушду суботи минбаъда ҳидоят намуд.
        Мақсад аз рӯзи ид муайян кардани рузи 16 ноябр дар он ифода меёбад, ки ибтидо аз ҳамин рӯзи тақдирсозу муайянкунандаи рушди минбаъдаи бомароми Тоҷикистон марҳилаи нави муҳими давлатӣ, яъне тибқи Конститутсияи давлати соҳибихтиёр дар Ҷумҳурии Тоҷикистон идоракунии президентӣ оғоз ёфта, Президенти тозаинтихобгардида ба иҷрои вазифа шурӯъ намудааст.
      Имрӯзҳо Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Рахмонро дар арсаи байналмилалӣ ҳамчун шахси сулҳофару сулҳпарвар, сарҷамъкунандаи миллату мардумсолор, амалисозандаи заҳматҳои ояндабинона баҳри рушду нумӯъ ва ободии Ватану фароҳам овардани шароити арзанда барои мардуми кишвар, ташаббускори ҳалли масъалаҳои глобалӣ мешиносанд, ки ба андешаи мо барои тасдиқу исботи ин гуфтаҳо зарурат ҷой надорад.
      Боиси хушбахтии халқи бузурги тоҷик аст, ки чунин роҳбарро дар шахсияти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайдо кардааст. Дар тӯли фаъолияти сиёсии худ Пешвои миллат дастггирии халқ ва хусусан тинҷиву амонии халқу давлатро дар афзалияти сиёсати худ қарор додаанд.
Ба ҳамагон маълум аст, ки Истиқлолияти давлатӣ дар таърихи миллати тамаддунофару бостонии тоҷик саҳифаи нав боз намуд. Он давлатро аз парокандагӣ, миллатро аз нестӣ наҷот дод, ки бо талошҳо ва корнамоиҳои беназири Пешвои миллат, муҳтарам Эмомалӣ Раҳмон тавъам аст ва дар тӯли 32 сол дастовардҳои беназир, зиндагии шоиста, шароити хубу арзанда, оромиву осудагӣ, Ваҳдати комили миллӣ ва ягонагиву муттаҳидиву сарҷамъиро барои ҳар фарди миллат ҳадя намуд.
Ин ҳама талошҳою кушишҳои шабонарӯзии Пешвои миллат баҳри ободии кишвар ва барои ҷавонони имрӯзу фардо буда, барои зиндагии шоистаи пайвандгари наслҳои ҷавон аст. Имрӯз ҷавонони моро зарур аст ба қадри ин хизматҳои бузурги Пешвои миллат бирасем ва дастаҷамъона баҳри ободии кишвар хизмати шоиста кунем ва барои наслҳои оянда аз таърихи бой ва давлати ободи худро мерос гузорем.
       Бо рӯзи Президент кулли мардуми кишвари азизамро самимона муборакбод гуфта, ба хонадони ҳар яки мову Шумо фазои осоишу меҳру муҳаббат, файзу баракат ва ба диёри биҳиштосои Тоҷикистон сулҳу сафо ва гулгулшукуфоии ҷовидонаро таманно менамоям.
Ҳуқушиноси Коллеҷи кӯҳии ба номи С.Юсупова дар назди Донишкадаи кӯҳию
металлургии Тоҷикистон Қурбонов Муҳаммадсаид

𝐓АШ𝐊ИЛИ 𝐂И𝐇Ф𝐗𝐎𝐇АИ 𝐓АЪЛИ𝐌Ӣ 𝐌УҶАҲҲА𝟑 Б𝐎 𝐇А𝐌У𝐇АҲ𝐎И ҶИ𝐇𝐂Ҳ𝐎И 𝐊ӮҲӢ 𝐁А А𝐄̈𝐇ИЯ𝐓Ҳ𝐎И 𝐓А𝐗А𝐂𝐂У𝐂Ӣ

  • 10.11.2023

   Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ, дар иртибот ба рушди минбаъдаи иқтисодии мамлакат истифодаи самараноки канданиҳои зеризаминии кишварро аз муҳимтарин омилҳо маҳсуб дониста, истихроҷ ва коркарди ниҳоии онҳоро чун талаботи рӯз арзёбӣ карданд.
      Дар ин радиф вобаста ба мавҷудияти талаботи зиёди бозори дохил ва хориҷи кишвар ба сангҳои ороишӣ чунин таъкид намуданд: “Дар Тоҷикистон захираи сангҳои бинокорӣ, аз ҷумла мармару хоро фаровон аст, ки дар дохил ва хориҷи кишвар ба онҳо талабот зиёд мебошад. Бо дарназардошти имкониятҳои зикршуда, пурра ба роҳ мондани истихроҷ ва коркарди онҳо, аз ҷумла сангҳои ороишӣ метавонад яке аз манбаъҳои афзоиши ҳаҷми истеҳсоли маҳсулоти саноатӣ, таъсиси ҷойҳои кории нав, зиёд намудани содироти маҳсулот ва дар маҷмӯъ, таъминкунандаи рушди иқтисоди кишвар гардад.”
    Дар партави дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маъмурияти коллеҷ бо мақсади ташкили самраноки раванди баргузории дарсҳои амалии ихтисосҳои марбут ба иқтисодиёти саноати кӯҳӣ ва ба ин васила омоданамудани мутахассисони ба талаботи бозори меҳнат ҷавобгӯ синфхонаи таълимӣ муҷаҳҳаз бо намунаҳои ҷинсҳои куҳӣ ва аёниятҳои тахассусро ташкил ва мавриди истифода қарор дод.
      Синфхонаи мазкур бо таҷҳизоти тахассусӣ, аёниятҳо, сангҳои ороишӣ, маъданҳои кӯҳӣ, канданиҳои фоиданок ва дигар лавозимоти таълимӣ-истеҳсолӣ муҷаҳҳаз гардида, ҷиҳати баргузории дарсҳои амалӣ ва таҷрибаомзиҳои таълимии донишҷӯён шароити мусоид фароҳам оварда шудааст.

𝐊𝐎𝐇𝐂𝐓И𝐓У𝐓𝐂ИЯ 𝐊АФИЛИ ҲИФ𝟑И ҲУҚУҚУ 𝐎𝟑𝐎ДИҲ𝐎И И𝐇𝐂𝐎𝐇 𝐁А ШАҲ𝐏𝐁А𝐇Д

  • 10.11.2023

   Бо мақсади сазовор ҷашн гирифтани 29-умин солгарди қабули Конститутсияи Ҷумҳурии Тоҷикистон санаи 03.11.2023 дар коллеҷ ҳамоиши илми назариявӣ таҳти унвони “Конститутсия кафили ҳифзи ҳуқуқу озодиҳои инсон ва шаҳрванд” доир гардид.
Дар ҳамоиши мазкур хонандагону донишҷӯён кормандону омӯзгорон ва меҳмонон аз як қатор ташкилоту муассисаҳо аз ҷумла муҳаққиқ ва сиёсатшиноси варзида Абдуллоҳи Раҳнамо иштирок ва суханронӣ намуданд.
      Чорабинии мазкурро роҳбари муассиса Суфиев Алишер Ҷаъмаевич ҳусни ифтитоҳ бахшида, зикр карда шуд, ки Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон дар Паёмҳои қаблии худ ба Маҷлиси Олӣ ба нақши Конститутсия дар рушди устувори соҳаҳои гуногуни хоҷагии халқ баҳои баланд дода, Конститутсияро ҳамчун бахтномаи миллат ва санади бунёдии сиёсӣ, роҳи минбаъдаи пешрафту тараққиёти давлати озоду демократӣ муайян ва эътироф намудаанд.
     Дар идома қайд карда шуд, ки ин санади муқаддас истиқлолияти давлати тоҷиконро ба расмият дароварда, асосҳои сиёсиву ҳуқуқӣ ва самтҳои асосии таҳкиму пешрафти ояндаи онро мутобиқи меъёрҳои эътирофшудаи муосир муайян сохт. Сониян, моҳият ва мўҳтавои ин санад, ки аз тариқи раъйпурсии умумӣ қабул гардид, барои ҳамдигарфаҳмии мардум ва таъмини сулҳу суботи кишварамон нақши калидиро иҷро намуд.
   Сипас аз ҷониби маърузачиён доир ба мавзуҳои “Конститутсия кафили ҳифзи истиқлолу давлатдорӣ”, “Саҳми Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон дар ташаккули асосҳои сохтории конистутсионӣ дар Ҷумҳурии Тоҷикистон”, “Конститутсия санади тақдирсози миллат” ва “Конститутсия бахномаи миллат” ба ҳозирин маърузаҳои ҷолиби диққат пешкаш карда шуд.