Архив 28.03.2026

ТАМАННИЁТИ НЕКИ НАВРӮЗӢ

Муҳтарам устодон, донишҷӯён ва кормандони гиромӣ!

Бо камоли эҳтиром ва самимият фарорасии ҷашни байналмилалии Наврӯзи оламафрӯз — рамзи эҳёи табиат, оғози зиндагии нав, сулҳу дӯстӣ ва ваҳдати инсониро ба ҳамаи Шумо самимона табрик менамоям.

Наврӯз ҷашни аҷдодӣ ва мероси гаронбаҳои фарҳанги миллати тоҷик буда, он дар қалби мардум ҳисси умед ба фардои дурахшон, саодатмандӣ ва пешрафтро бедор месозад. Орзумандам, ки ин иди зебои баҳорӣ ба ҳар як хонадони Шумо файзу баракат, саломатӣ, хушбахтӣ ва муваффақиятҳои навро эҳдо намояд.

Бовар дорам, ки устодону донишҷӯёни факултети геология бо заҳмати содиқона, талошҳои илмӣ ва фаъолияти самараноки худ дар рушди илму маориф, таҳкими иқтидори зеҳнӣ ва пешрафти Ватани азизамон саҳми арзанда мегузоранд.

Бигзор Наврӯзи хуҷаста қадамҳои Шуморо ба сӯи дастовардҳои нави илмӣ, комёбиҳои касбӣ ва зиндагии пурнишот раҳнамун созад.

Наврӯз муборак!

Бо эҳтиром,

Мирзоев М.М.- Декани факултети геология

ДОНИШҶӮЁН ДАР ФАЗОИ НАВРӮЗӢ

Наврӯз ҳамчун ҷашни эҳёи табиат ва оғози фасли зебои баҳор дар муҳити Коллеҷи кӯҳии ба номи С.Юсупова низ бо рӯҳияи хосса истиқбол мегардад. Дар рӯзҳои наврӯзӣ донишҷӯён бо либосҳои миллӣ, чеҳраҳои кушода ва эҳсоси баланди ифтихори миллӣ фазои идонаро рангоранг месозанд.

Иштироки фаъолонаи донишҷӯён дар баргузории чорабиниҳои фарҳангӣ, намоиши анъанаҳои миллӣ, омода намудани таомҳои наврӯзӣ ва барномаҳои ҳунарӣ нишон медиҳад, ки ҷавонон ворисони арзандаи фарҳангу тамаддуни ниёгон мебошанд. Наврӯз барои онҳо на танҳо ҷашн, балки мактаби худшиносӣ, эҳтиром ба арзишҳои миллӣ ва таҳкими дӯстиву ҳамдигарфаҳмӣ маҳсуб меёбад.

Фазои наврӯзӣ донишҷӯёнро ба ҳам меорад, рӯҳияи эҷодкорӣ ва ҳамбастагиро тақвият медиҳад ва онҳоро ба фаъолияти созанда, омӯзиши амиқ ва саҳмгузорӣ дар рушди ҷомеаи муосир ҳидоят менамояд.

Наврӯз — ҷашни ҷавонӣ, умед ва ояндаи дурахшон аст.

Гулямова Сабрина – Мутахассиси кор бо ҷавонон ва ташкили тарбия